(شامخ رأس)

 (شامخ رأس)

انه رغم الظلم واقطاعي عشت اوياه

وبعدني مااموت وحتى التعاني

قارعة الظلم من جانه الاستعمار

وعفت ذاك الكتاب واقراء عنواني

انه من شارك وهز الوكت ثورات

شلون وعجبه اشوفك انته تنساني

انه ابن العامل اوفلاح والطالب

الشاف الظيم

وعلى ذيچ الرجوله وكرم رباني

واهتز عالظلم ماارضا

ذاك الذل

واثور أعلى الفساد ابسرعة تلگاني

ابن الملحة من البردي

ا سكن ابهل هور

لوذاك الگصب اوتعرفني جيراني

وابن ذيچ البیوت الي

انبنت من طين

ولاتهمني المصاعب اومبدئي انساني

وبيوم الشهيد اكتب

واظل معروف

وشامخ راس اظل وبعزة اخواني

وعلى الجدران اسمي

ينكتب مكشوف

واخطه الكل شهم وينرسم بالواني

لون احمر رمز دم الشهيدايكون

ومدرستي العدل والهل بلد باني

ابن ذيچ المضایف بالسلف يمتاز

شروگي ابن الجنوب امصلصل ويعرفني ديواني

وميطخ رأس للمحتل

وذاك العار

ولليدخل عليه الغاصب

وذاك السند عدواني

انه ابن الفاله والمگوار

ابن الثورة العشرين

ابن شعلان رمزي

وهذا اعلاني

وهذا اكروم رمزي

الاسسك يعراق

وجمهورية اعلن شافه عدواني

وبقانون الأحوال

وإصلاح الازراعي

وارض للي زرعها

وذاك اليعاني

من الاستعمار

واقطاعي النهب هالخير

ومن ياخذ الجزيه

بالغصب وأسلوب

ومن طب ويدنس ذاك ديواني

وماقائد المثله الي حكم لعراق

يبو الخبزه المخفف والله لاحزاني

واتحدث اريد اتذكر الانساه

واوصفنه بشعوري وحتى بشجاني

يموحد عراقي من الجبل للهور

وماكو طائفيه اوجامع الهل ناس

واحچي من الضمير ايعده وجداني

شعر عارف شلش

الساعدي

العراق بغداد

عرض الرؤى

معدل وصول المنشور: ٦٣

٣عامر الدليمي وشخصان آخران

٣ تعليقات

أعجبني

تعليق

إرسال