& ما قادرش & بقلم / عماااد الأبنودي

 & ما قادرش &

بقلم / عماااد الأبنودي

"" "" "" "" "" "" "" ""

لما الكلام يتوجع

و يسكت .. مايتكلمش

و تلاقي الحروف خرست

حااااااول ما تسألش

الحمل بقا جبل

و الجبل .. مايقولش

ولا يصرخ من معأناته

يكتمها و ما يبوحش

صرخته جواه عافيه

مقهورة ماتنطفش

و أما يسألوه مالك .....؟

يرد يقول ما قادرش

حملي كأسي قلبي

و وجعي ما يتوصفش

صحيح فأرد طولي

و عودي ما ينكسرش

سايبها للي فوق

حكمه مايظلمش

طالت الحياة أو قصرت

كله مابيخلدش

و لو حمولها زادت

هترحل ولا تدومش

دي سعات الوجيعة تقوي

و تكشف لعيون ما بتشوفش

بقلم / عماااد الأبنودي

17 , 8 , 2022

عرض الرؤى

معدل وصول المنشور: ٢٤

١١

تعليق واحد

أعجبني

تعليق

إرسال