كان نفسي لك بحنين

 كان نفسي لك بحنين

أو حتى عود ريحان

قلبي اتمسك ف كمين

وآخد لُه حبس كمان

كان ودي أعيش حواديت

وأعبر مدن وبلاد

عمرى إنسرق م الإيد

والبركة ف الأيباد

..

كان نفسي يجي العيد

من غير ألم ووعيد

نحلم بحلم جديد

ونبدل الأحزان

..

كان ودي أعيش بآمان

فرضا كما الإنسان

لكن الحياة بركان

ثاير ونبضُه جهاد

..

حاكِم القدر سبّاق

حَكم الحَكيم بفُراق

من قبلِ أَن تشتاق

مُجبر على النسيان

..

.......

كان نفسي أروح كرفور

وأسكن فيلل وقصور

نركب عجل بيدور

ويمُر ع الخلان

نلعب تنس بليل

نبدر غُنى ومووايل

ونخطي عتب النيل

نتعشى في الوراق

من غير قلق وضغوط

نضحك نلم نقوط

أنا وانتِ والكتكوت

قلبك دا نبع وداد

لكن الظروف بتشوف

عذرا ماعدش كسوف

حتعيش وحيد مخطوف

ذِهنك مع الأوغاد

#بهاء_اللبودى

#بهاء_اللبودي

١٣١٣

١٤ تعليقًا

٣ مشاركات

أعجبني

تعليق

مشاركة