حبك سُنّة وِفَرض _______

 حبك سُنّة وِفَرض

_______

الحب ليكي يامصر

ياأخرتنا ودنيانا

تعيشي ورايتك تعلى

شايفينك وشيفانا

حُبك دا سُنة وفرض

والحب ياغالية أمانة

واللي مايبنيش ويعلي

تبقى على طول خيانة

يامصر ياقلب العالم

م الشهد سقيانا

و احنا من القلب نفرح

عشان انتي فرحانة

وكمان تعالي بصي

على اللي جُوّانا

من غير حلفان يابلدي

واكيد مصدّقانا

وهاندعي كل الدنيا

يحضرُوا الفرح معانا

م القلب راح نغني

وهاتبقي سَمعَانا

والغُنَا للفرحة بيكي

يانجمة في سمانا

نغماتنا اتعزفت ليكي

بِلحننا وغُنَانا

________

بقلم الشاعر /الشاعر رمضان عبدالله أحمد

عرض الرؤى

معدل وصول المنشور: ٢٧

٢فهدالصحراء الجرئ وشخص آخر

٤ تعليقات

أعجبني

تعليق

إرسال