سوق الكسوف.

 سوق الكسوف.

سألني واحد كان معدي وماعرفوش

قالي قولي هو فين سوق الكسوف

قلت له السوق اتنقل بقه في الكهوف

انت غريب عن هنا ولا انت ضيف

قالي تعبت من البجاحه والوقاحه

قلت اشتريلهم حتي اردب كسوف

وابدره في الأرض ينبت بالحياء

وزهوره ابعتها في نعي ورثاء

طلع الكسوف مكسوف

ومخبي نفسه في الكهوف.

وان سألته يقول جبرنا

وقالوا كان ايام زمان

صنف اسمه الكسوف

طعمه مالدش علينا

قمنا دبحينه بايدينا

وشطبنا اسمه من الكشوف.

وبكره ياما نشوف تاني

مابقاش فيه خوف

ولا عزاء للمكسوفين.

#حسين_متولي

عرض الرؤى

معدل وصول المنشور: ٢٤

٢فهدالصحراء الجرئ وشخص آخر

٤ تعليقات

أعجبني

تعليق

إرسال