( الحب مش بِيعَة وشَروَة ) :
مش هشتريه علشان باقي
على حبي او على عهدي معاك
دي كرامتي دائي وتريائي
انا مش هموت على شط هواك
إنِ إشتريت بشتري روحي
وبداري على سري وبوحي
عشان ما اعِّش ف اوجاعي
عشان تطيب كل جروحي
حدفع كتير وانت الخسران
ومهما ادفع انا كسبان
كفاية إني اكسب روحي
واسيبك انت تعيش ندمان
وإن جيت في يوم عايز ترجع
في البيعة ليك انا مش هشفع
ياللي انت فَرَّطت ف حبي
مش هرجع انا مهما هتدفع
الحب مش بِيعَة وشَروَة
الحب عمره ما كان ثروة
الحب يعني حنان وامان
وتشوفه قصر ولو دِروَة
الحب يعني حنان وامان
وتشوفه قصر ولو دِروَة
بقلمي الشاعر جمال زكي عينر
أعجبني
تعليق
إرسال
ليست هناك تعليقات:
إرسال تعليق