.... إقبل إعتذاري ...
حبيبي ليه العتاب عندك غاب
عاتبني ده إعتذاري كان عالباب
مستنية ليه واقول عقلي غاب
بصيت لقلبي وقفلت الباب عليه
إتسرعت بغلطة ليه ليا متعديهاش
كلمة طلعت مني العالم بيها منتهاش
كنت هعتذر وكان إللي بيننا عاش
غرورك صعب ميقبلش إزاي وليه
خليتني غريبة بأدخل سرقة صفحتك
وأسأل صحابي عإللي كان علي قصتك
بقيت بعيد عني دوقتني طعم غربتك
من كلمة قفلت كل طريق أوصلك بيه
وتقابلني كأني غريبة ومتعرفنيش
نفسي اقولك من غيرك صعب أعيش
حكاياتك لسه جوايا أحلام متتنسيش
وف كل كلمة كتبتها إسمك هتلاقيه
انا الملكة وكتير لملك جمالي تابعين
جيت أنت امير بأدور عليه من سنين
لحظة غرور انا عشتها بعدها رحت فين
لقيتك مش هنا وبقيت سراب بأدور عليه
إديني فرصة واحدة أقدملك إعتذار
ده الليل مهما طال بعده نور النهار
وانا كنت حبيبتك وكنت لقلبي جار
ف لحظة يبقي حبك صعب ألاقيه
قلبك حجر ده الورد بيطرح ف الحجر
كنت خلي بيني وبينك ولو حبة مطر
وكنت هجيلك واقول سامحني وأعتذر
ولو البكا يرضيك دمعي ليك هتلاقيه
.... ايمن بلال ....
ليست هناك تعليقات:
إرسال تعليق