( حديث مع النفس )

 ( حديث مع النفس )

ملفوف ف توب ابيض

محكوم ومتظبط

ومربوط من الجنبين

ضجيج وصوت حزين

مش سامع غير انين

وحريم بتبكي تنوح

ويقولوا باينله مات

كان والله راجل زين

كان شهم كان هيبه

متشفش منه اتنين

معرفش يوم عيبه

يعنى أنا كده ميت

اهو ارتحت من همي

ياااااااه على عمري

عدا بدون افراح

ولا مره كان مرتاح

بالي ولا حالي

منا شفت اللي متشافشي

كنت تملي حزين

علطول ومكشر

شايل هموم الكون

شقيان ومتكسر

ميت خلاص ميت

مية راحه وتخفيفه

ظلمت ناس ويايا

ملهومش اي ذنب

غير انهم احباب

راضين بقسمتهم

والدنيا قسمتهم

عايشين كما الأيتام

من كتر حوجتهم

يعنى خلاص انا مت

ارتاحو والله

من حد كان فقران

عيشته كمان قطران

عايشها بالحرمان

واكمنه كان غلبان

لا عمره كان مرتاح

ولا عمره كان مبسوط

احسن لك تكون ف تابوت

محكوم ومتظبط

ابو رامى الاسوانى

٢٠٢٢/٨/٤

عرض الرؤى

معدل وصول المنشور: ٧٦

٦محمد عزت، ومحمد عبد الباقى حسين و٤ أشخاص آخرين

١٠ تعليقات

أعجبني

تعليق

إرسال