....... علمونى بالابتدائى ..........

 ....... علمونى بالابتدائى ..........

علمونى بالإبتدائى

ان اكتب الف باء يعنى اب

وعلمونى استهجى

بالقراءة الف ميم يعنى أم

واما تجمع الحروف

تبقى ابم تبقى امب

كلمتين وبدون معانى

قالى فكرى انت ياد

واد انانى

أما قلبي قالى كلمـه

بشكل تانى

قال ياصاحبى

لما ماتوا وبعدوا عنك

صبحت الدنيا سراب

والحياه ملهاش معانى

عاوز الاسم المشبك له معانى ؟

سالت الدمعه بعنيه

والدموع لها طعم تانى

وافتكرت ان فعلا هم ماتوا

بس فكرى مش مصدق

لو ثوانى

****

بس يعنى قلبي فاكر

والقلوب زلط المحاجر

وافتكرت يوم رحيلهم

قلبي مات

والحياه صبحت مأسى

فين دعاهم وقت ضيقى

فين دعاهم ياصديقى

لما دعوه بس منهم

تنتهى عقد المراسى

كل ده لسه فاكره

كنت ناسى

وقت ماتزيد البلاوى

كله ناسى

انى مره كنت ليهم

كان بدمى بداويهم

واما جيت وقت ضيقى

كله أسى

مفتكروش الحنان

اوجمعنا بيوم مكان

كل شىء راح واتنسى

حتى قاعدة الكراسى

اللى حبك كانت امك

واللى ضمك كان ابوك

هم بالأحزان تملى

ووقت مرضك طببوك

بعد موتهم انت ميت

كله عارف الحقيقه

كله راسى

بس كله وقت ضيقك

ببقى ناسى

يلعن الدنيا الكئيبه

بعد موتهم

كل صوت جواك بموت

إلاصوتهم

حتى نظره من عيونهم

حتى لحظه الوداع

والتماسى

ياللى عايش

ولسه كونهم بين اديك

بوس ايدهم

حن ديما طيع وحاضر

هتلاقيهم

قبل مره ماتصحى فجأه

ماتلاقيهم

وقتها بس هتعرف

ان رحمة جات وراحت

بين ايديهم

علمونى بالايتدائى

ان اكتب الف باء يعنى اب

وعلمونى استهجى

بالقراءة الف ميم يعنى ام

علمونى بالابتدائى

............ احمد عامر ..............

ننوه ان ماينشر حق فكرى مسجل بالهيئات المنوطه بذلك س م ب51042/2015

٤Ahmed Amer و٣ أشخاص آخرين

تعليقان

٣٩ مشاركة

أعجبني

تعليق

مشاركة