أغنية ( بحب مصر )

 أغنية

( بحب مصر )

بحب مصرومصر في كياني

بلدي مصر . حبي الأولاني

عشت فيها شربت ___ آها

سافرت بيها _ رنت خطاها

أم الدنيا ___ وماليها تاني

بحب مصرومصر في كياني

بحبك. ومين ميحبش مصر؟

غرام قلبك عاصرني عصر

زرع أرضك __ بنالي قصر

صونت عرضك جابلي نصر

قلب كمل __ جمال الروح

حبيبة . تزعل تطبب جروح

وأم بتضم _ إيدها الأماني

بحب مصر ومصر في كياني

بعدت عنك __ غصب عني

دا القلب منك _ ياحتة مني

شوقي ليكي _ نيل واصلني

جايب أمل _ بحاجات تغني

آثار صنعت م الخير حضارة

آمال بناهاا _ مصري بمهارة

وأهرام. وجندي مات عشاني

بحب مصر ومصر في كياني

فاضل في قلبي _ دقة ليكي

بعمره كله __ مشتريكي

لحضن دافي _ ينده عليكي

خلتني . دايب مشتهيكي

عاشق حزين _ بس شايفك

عروسة حلوة القلب عارفك

من يوم ميلاده يبعت_ تهاني

بحب مصر ومصر في كياني

بلدي مصر . حبي الأولاني

( مصر )

حربى علي

شاعرالسويس

عرض الرؤى

معدل وصول المنشور: ٢٨

١فهدالصحراء الجرئ

تعليقان

أعجبني

تعليق

إرسال