..... ومين غيرك هيسترنى .....

 ..... ومين غيرك هيسترنى .....

ونفسى احلم بانى بموت

ومين بالموت بيحزنلى

ومين حزنان ويرئع صوت

ومين من موتى هيدينى

ومين يبكينى من قلبه

ومين بالاسـم بيعيط

ومين يدعيلى بصلاته

ومين ينسـانى ويزيط

ومين يذكر كتير اسمى

ومين يبكى على رسمى

ومين على موتى يتريض

ومين بالورث يشكرنى

ومين على موتى يتسيط

ومين يحفظ حقوق دينى

ومين للورث هيقايض

ومين بالسكره يسـترنى

ومين يفضحنى ويعيط

ومين يشتم علـى قبري

ومين للذكرى هيعيط

ومين فرحان على موتى

ومين يذكرنى بسجـودى

ومين يدعيلـى بالرحمه

ومين ينسانى بالزحمه

ومين يدمع على سكوتى

ومين بكفنى بيخيط

ومين يشكر بكلماتى

ومين يبقى بصلاه موتى

ومين ع القبر بمماتى

ومين مسمعش يوم صوتى

وجى اليوم وبيعيط

اناعارف بانه خيال

لكن بالحق يوم هيكون

ولو قلتوا دا شىء ومحال

مفيش بالارض شىء هيدوم

وانا عارف بقلب وحيد

بقلبه الحزن يومها يزيد

وديما يذكر المواعيد

واما الباقى راح يضحك

على قبرى كأنه العيد

وينسانى وكأنى بزمن تانى

ووقت الجد مع ربي

هيخرس صوتى ولسانى

وتشهد كل اعضائى

على سجودى على ايزائى

واصبح بالجسـد فانى

ولو رحمه هنول جنه

ولوغيرها ما اخزانى

يارب الكون ياساترنى

وخالقنى وجابرنى

ببان الدنيا قفلوها

وانا ببابك ماتخذلنى

عبادك نسيو احسانى

وفيهـم ناس ماتسترنى

بحقك ربى العالى

تسامحنى ماتفضحنى

ومين غيرك هيسترنى

............ احمد عامر ...............

ننوه ان كل ماينشر حق فكرى مسجل بالهيئات المنوطه بذلك 66101/2015 س ت ب

٥Ahmed Amer و٤ أشخاص آخرين

٩ تعليقات

٣٥ مشاركة

أعجبني

تعليق

مشاركة