شعر غنائى ..((( أخباركم إيه )))

 شعر غنائى ..

((( أخباركم إيه )))

انتوا فين و أخباركم إيه يا غاليين عليا .. إنتوا فين ..

عايز أشوفكم وحشنى نوركم .. و مافيش غيركم هيطفى لهيب الحنين ..

دا كل يوم بيفوت عليا ف غيابكم كأنه سنين .. و الدنيا بأشوفها على طول غريبه لا مش هيا ..

لا فيها عطف ولا حنيه .. و أجيبكوا منين ونا بينى و بيكم بلدين ..

إننا فين ..

وحشتنى ايامكم و لياليكم .. كانت أحلى أيام و أحلى ليالى ..

م كنتش بأفكر ف عذابى .. م كانش غير حبكم ف بالى ..

كأن شوقى ليكم منسينى .. كأن الوقت معاكم بيسعدنى و يهنينى ..

ياريت الآيام دى ترجع و أشوفها تانى .. م تعرفوش قد إيه أنا ندمان ع اللى جرالى ..

إنتوا فين ..

أنا مش مانعنى عنكم والله .. غير الشده و طول البعاد ..

لو كان بإيدى .. كنت قربت المسافه قبل م يطول السهاد ..

أنا عايزكم جنبى إنهارده قبل بكره .. و ياريت الآيام توعدنى و تبقى أحلى ذكرى ..

ع الأقل هأشوف حبايبى و أحضنهم بإيديا .. و انسى إن كان بينا ميعاد ..

إنتوا فين ..

بقلم الشاعر الغنائى ..

محمد البريمى ..

عرض الرؤى

معدل وصول المنشور: ٩

١١

تعليق واحد

أعجبني

تعليق

إرسال