خلاص... مات .. الفاروق *******

 خلاص... مات .. الفاروق

*******

عايز أكتب وحرفى محبوس

أكتب حرفى م البشر منبوذ

أقول الحق الكل عليه يدوس

هو ليه البشر بالدنيا مغشوش

فاكر الدنيا بس فلوس فلوس

عشان كدا مفيش وش بشوش

ميزان العدل مال وانكسر

صوت الحق بالحناجر أتحشر

الظلم بوجودنا أنتصر

تايهين بنقول أيه اللى حصل

محدش بين الحق والظلم فصل

عشان البال يهدى ويروق

لازم الحق لينا يسوق

بس خلاص مات الفاروق

اللى مات مش بينا هيعود

أحنا معدش لينا عهود

ولا بنوفى لله الوعود

معدش فى بكرة أمانى

الظلم يوم عن يوم بيزيد

مين بيحس بفرحة عيد

الهم بالصدور زاد

مفيش للسعد ميعاد

طول مااحنا عن الله بعاد

محناش لبعض أحباب

الطمع بقلوبنا غلاب

معدش ينفع لحالنا عتاب

الحقد بقا ينبت بالتراب

حياتنا عذاب فى عذاب

البشر بزهو الدنيا مغرور

عايش عليها مسعور

عن آخرته تملى بنفور

نسي نهايته سكن القبور

*********

بقلم

عادل جاد

٣٣

٤ مشاركات

أعجبني

تعليق

مشاركة