( ما بلاش نتمنظر على بعض ) :

 ( ما بلاش نتمنظر على بعض ) :

ما بلاش نتمنظر على بعض

ده مفيش حد احسن من حد

على مَهلك حاسب على مَهلك

الدنيا ما بتدومش لحد

رافع راسك دايماً فوق

إتعلم يا حبيبي الذوق

خليك متواضع بين ناسك

تتحب ويبقى لك سوق

الدنيا ساقية ودوارة

مش فهلوة وذكاء وشطارة

لو ساكن فى عمارة أو قصر

في ثواني تكملها ف حارة

ياما قبلك في الدنيا اتغرُّوا

إتكابروا وع الذنب أصرُّوا

وأمَّا الموج قلبت مراكبهم

غِرقوا ف لحظة ما قِدروا يفِرُّوا

على مهلك بشويش بالراحة

دنيتنا مُرجيحة سوَّاحة

مهما تعَلِّي وتبني عليها

مش راح تلقى ف أرضها راحة

مهما تعَلِّي وتبني عليها

مش راح تلقى ف أرضها راحة

بقلمي الشاعر جمال زكي عينر

عرض الرؤى

معدل وصول المنشور: ٢٩

١١

تعليقان

أعجبني

تعليق