* * * الأماني * * *

 * * * الأماني * * *

للشاعر /صابر الشناوي

إقتلوا فيا الوجع

رجعوا ليا الأماني

إحضنوا العمر اللي باقي

عيشوه ولو ثواني

عدوا بإديكو السنين

اللي فاتت أسألوا

الفرح ليه دايما أناني

موتوني ليه تسبوني

فيه. أعاني

المعاني اللي ف كلامي

لو تلاقي حد يفهم قصدي إيه

كنت كملت الكلام

غصب عني السكوت

مش جبان أو خايف أموت

ولا باقي على اللي

فاضل من حياتي

أنا ياما بتألم ليلاتي

في المنام مش حرام

إن أبوح أو حتى

أكشف على الجراح

اللي في كياني

ليه أعاني ؟؟؟

وأمي مش حسه بدموعي

وقد إيه تقسى عليا

لما تتكسر ضلوعي

دا أنا ياما كتبت

ليها كتير أغاني

ليه تقابل حبي فيها

بالتجاهل وإن مش واخد

في بالي وإن جاهل

ودايما من فقري أعاني

ليه تسبني للي بيتاجر بلحمي

وأنا اللي ياما دافعت

عنها وكنت باحمي

وعمري ما إتأخرت

عنها ولو ثواني

ليه توزع في المراث

من غير عداله

ليه دايما تخاف

م اللي يعاملها بنداله

ليه تسقي شهدك

للي بيتاجر بحبك

وتحكميه عليا قاضي

وموصياني أكون مطيع

يبقى من ضمن الأعادي

حطوا ليا ميت قانون

باعوا لي حقي مرتين

قتلوا إحساس ، الأمان

إقتلوني وموتوا فيا الوجع

أفضل من إن أعيش

أحلم بأم تحس يوم إن

.

إبنها ولي حق في حضنها

وحقي فيها من الأماني

عرض الرؤى

معدل وصول المنشور: ٢٨

٢فهدالصحراء الجرئ وشخص آخر

٤ تعليقات

أعجبني

تعليق

إرسال