كان فيه حفله كبيره في العيد
ناس داخله وخارجه بمواعيد
حفله احياها عمرو دياب
وبودي جاردات واقفين ع الباب
وفساتين كب وفوق الركبه
طبعا عاملين م الحبه قبه
اصل التذكره بعشره الاف
وناس مش لاقيه العيش حاف
والحد الادني ب٢٥٠٠
واللي مقضيها فول وطعميه
طب اتبرعوا حتي لجمعيه؟
او ملجا ووزعوا عيديه
هو احنا اللي مش عايشين ؟
ولا هما اللي منافقين
وسلع زادت في التموين
ومغلوب علي امره المسكين
وشوفوا اوضاع الشركات
منتج زاد عده مرات
والعمال عليها اقساط
بالذمه ده مش استعباط؟
منتظر الحسنه اللي تجيله
وطول عمره راضي بقليله
شغل سنين ومهدود حيله
ولما يكبر مين هيشيله؟
ايام صعبه بجد علينا
وربنا وحده عالم بينا
وقت الشده يجي يحمينا
عمره ف يوم ابدا ما نسينا
گلمات
اشرف مفيد
ليست هناك تعليقات:
إرسال تعليق