( بحلم ) :
بحلم إني ف يوم ما ازعلش
بحلم إني ف يوم ما اندمش
بحلم إني ف يوم ما احلمش
حلم مخيف من رعبه ما انامش
بحلم إني الاقي حبيب
يبقى دوايا وليَّا طبيب
وابقى انا عنده أهم الناس
وإنه لغيري ما بيدورش
بحلم إن يجيني صباح
القى نفوس الناس ترتاح
القى حياتنا رضا وسماح
يبقى الحب الغطا والفرش
بحلم ايوه انا حلمي كبير
جايز حلمي مالوش تفسير
جايز اعيش انا عمري بحالُه
ويروح عمري ف ثانية لحالُه
وبرضه انا حلمي ما يتحققش
لكن برضه انا لازم احلم
علشان ربي بسري الأعلم
حلمي يضيع او يبقى حقيقة
مش مشكلة عندي ما تفرقش
لكن يفرق بس معايا
إن يعدي اليوم ما احلمش
لكن يفرق بس معايا
إن يعدي اليوم ما احلمش
بقلمي الشاعر جمال زكي عينر
ليست هناك تعليقات:
إرسال تعليق