غاب .. للحق .. الهلال *************

 غاب .. للحق .. الهلال

*************

الدموع جفت ف الجفون

الدم بالعروق ملعون

دم البشر علينا بيهون

والله يازمن أحنا غلابة

بنقلع الفرح ونزرع كآبة

شوفوا بقا ايه حالنا

عملنا م الدتيا غابة

لو أحنا بندبح خروف

قلبنا بيكون بيه رؤوف

بنقول ايامنا سودة

القتل خلاص بقا موضة

الاعلام يفرح ويهيص

أن دم البشر بقا رخيص

ده كله بسبب الأفلام

حببت لينا الأنتقام

خلت النور ظلام

المستور زى العريان

غابت مشاهد الحنان

حتى التقوى والإيمان

الحرام زى الحلال

غاب للحق الهلال

اتشل عنه اللسان

الإنسان مبقاش إنسان

البشر ف الدنيا تاه

عشان بعد عن الله

الحياه مش حياه

منتظر ايه من ناس

معندهمش جمال الأحساس

مات بوجودهم الأخلاص

الوفى منهم اصله غشاش

الطيب فيهم عليه بيداس

***********

بقلم

عادل جاد

١١عادل جاد و١٠ أشخاص آخرين

٥ تعليقات

مشاركتان

أعجبني

تعليق

مشاركة