حبة ظروف بقلم أحمد شاهين

 حبة ظروف بقلم أحمد شاهين

حبة ظروف متوزعين

على الوجود مِسيطرين

بسببها شخص يبات حزين

والتانى طاير م الفرح

بتفوت شهور وتفوت سنين

والناس يا عينى مكملين

رغم الفراق رغم الحنين

رغم الفؤاد اللى إنجرح

أصل الحياه حبة ظروف

حبة كلام حبة حروف

وقدر يطبطب ع الكفوف

تلقى الفؤاد تانى إنشرح

مٌسيرين مٌخيرين

مستعجلين متأخرين

نفس البٌكا نفس الأنين

والعقل م الأفكار سرح

في عيون بتسهر للسهر

وعيون تبات ويا القمر

وعيون تخاف لما الخطر

بيبان قصادها ويِتضح

حبة ظروف بيقرروا

يبقوا البدايه ويقدروا

أيه إللى ممكن نِخسره

والوِد بيننا بيندبح

حبة ظروف هما السبيل

بيوصلوك للمستحيل

ربك يبارك فى القليل

والبركه هى المٌصطلح

حبة ظروف حبة ظروف

تِسعد بشر تتِعس ألوف

ويا القدر تفضل تطوف

مجروح وياما كتير جرح

حبة

ظروف

كلمات أحمد شاهين

عرض الرؤى

معدل وصول المنشور: ٣٩

٣Ahmed Mohamed Ahmed Shahen وشخصان آخران

تعليقان

أعجبني

تعليق

إرسال