رباعيات الشبل(الخصام)

 رباعيات الشبل(الخصام)

هات ايدك تلمس إيدي وبلاش عناد يا سيدي

أزاي وانت حبك دم بيجري م القلب لوريدي

احضنك يصير كل حب العالم فيك وبقدر ليا

ولاطالب لقاو لا نظرة حنيه يا دنيا بأناشيدي

الدنيا متقطعة يا عالم فينا وبزيادة

داالخصام والعداوة بالأهل صار عادة

لم اغراضك بسرعة من عبء افكارك

نام على وسادةالأحلام ومارس الريادة

زي الكرة فاكر هيعلب كل يوم بينا

دا احنا ربنا بيحبنا و بالرصا هادينا

لا يوم خوفنا ولا تعبنا من مكر البشر

مادام فكرنا وحبنا وخوف ربنا مالينا

كان شمس واحنا الكواكب حواليه

من غير ما يتكلم كنا بنمسك إيديه

ليه غير مداره وعنا مداره يوم غاب

كنا حبايب القمر بيعشق طلة عينيه

كان ليا صاحب ياناس كبير المقام

له مريدين وأحباب على مدار العام

كانت حكمته بالفصاحةفينا عنوان

فجاءة اتلعثم لسانه واتربط بلجام

قول الحق وخلي كلامك فينا طيب

اعمل الخير تكون من المولى قريب

سيبك من سليط اللسان اللي بيذم

لوفيه خير ماكان بأهله يوم عيب

الشاعر /إبراهيم شبل

١٥سليم الغنام و١٤ شخصًا آخر

١١ تعليقًا

٧١ مشاركة

أعجبني

تعليق

مشاركة