(ليه ياقمر حزين)

 (ليه ياقمر حزين)

كلمات الشاعر/سعيد الشبراوى

بصيت ع القمر لاقيته حزين

سألته ليه ياعمنا إنت حزين

رد على والدموع فى عينيه

ببكى على حبايب.... راحلين

كنت بعيش الطيبة معاهم

كنت بلاقى الخير...... جواهم

كانوا هما.......... المؤنسين

حبايب للخلق........ مش كارهين

معدنهم معدن....... أصيل

ولا ييجى عليه يوم...... ويميل

حنصحك نصيحه لوجه الله

عاشر دايماً إلى.... يخاف الله

وإبعد عن الصُفر والمتلونين

وإلى ببمشوا بين الناس بوشين

أصل الأصل دايما .....غلاب

وإلى ملوش أصل...... دايما قلاب

لايخاف على عِشرة ولاحنين

كاشف وشه .........ومصدر الجبين

لكن الاصيل ......دايما وياك

فى المُرة قبلاالحلوة............... معاك

تآكل إكله....... تقوم شبعان

ولو حَبة ملح فى ......ماعون مِنعان

وضحكته على طول ع الوش

ضحكة خالصة............. مش بيغش

أصل أصله ........غالب عليه

والوش كمان......... ... بيبان عليه

يشم ضهر .........إيده يشبع

وبقلبل العيش......................... يقنع

دا الدنيا يابنى.......... دوارة

بتلف ع الناس ............... سيارة

وما بيبقى غير الذكرى الحلوة

عرفت ليه............. ....... أنا حزين

عرض الرؤى

معدل وصول المنشور: ١١٨

٤محمد علي فرغلي احمد، وعامر الدليمي وشخصان آخران

٦ تعليقات

أعجبني

تعليق

إرسال