يوميات صايع
( الحلقة السادسة) عباس صالح
*****************
صحيت على صوت بابا
بيتخانق مع مامـــــــــا
الولد ده ياريته كان مات
كل فلوسى مضيعها عالبنات
كل يوم يقول لى بابا هات
معندوش دم هو بيه من البهوات
ولا حد قاله انى من البشوات
ولا يمكن انتى من الاميرات
الولد ده لازم يشتغل
خليه ينزل المصنع لما يصحى
ولا اقول لك صحيه لحد ماأشرب القهوة
صوت امى بيصحينى قوم حمـادة قوم انا ماما موش عارفه ماله بابا
قوم بقى هتخليه يطلقنى
هتكون مبسوط بقـى
لا يا ماما بعد الشر مين اللى قال كدة
اعملى لى القهوة لحد ما اخد الشـــور
بابا انا صحيت صباح النور
انا هاسمع كلامك وهاجى معاك
بس ماما تحضر الى الفطور
شاور وفطور يا ولد غور
انا رايح المصنع حصلنى على طول
لو مجتش النهارده انا موش مسئول
هاطلق امك المسكينه دى على طول
بتضحكى ده نتيجة دلعك وكلامك المعسول
خرج بابا وضرب الباب بطرقعه راح مقفول
متزعلش من بابا يا حمادة ده راجل مخبول
احكى لى عملت ايه امبارح انت نمت على طول
كله تمام يا ماما قابلت بنت زى القمر بتضحك على طول
هوه ده يا حماده موش التانيه اللى مبوزة على طـول
ان شاء الله تكون من نصيبك
امى أنا هاروح لبابا المصنع
سلام
------------------------
انتظروني الحلقة القادمة
عباس صالح
ليست هناك تعليقات:
إرسال تعليق