الرصيف
الرصيف مفهوش أشأره
لا زقاق ولاحتى حارة
كله ماشي بالاستعاره
الذكاء صاحب الغباء
الرصيف من غير مراسي
للي واقف واللي ماشي
لما تتجمد حواسي
ابقي أعلنت الفراق
الرصيف كدبه وحقيقة
كام صديق صادف
صديقه
لو الخداع ينفع في
ضيقة
يبقي علي الدنيا الفناء
الرصيف ذكري ومعنى
للي شاريينه وباعنا
كان بشوق يكتب
ضياعنا
بكل حرف من الهجاء
الرصيف هيصه وظيطه
اللي واضحه والحويطه
واللي عشمه دخل في
حيطة
ياريته صحصح ولا فاق
الرصيف لقا ومفارق
اللي قابب واللي غارق
لويكون الوعد صادق
قلبه ينبض بالوفاء
الرصيف انتم واحنا
ساعه منحه ساعه
محنة
لو نطييب من جراحنا
نلقي للاحلام ضياء
هاتها جمايل يارب
شاعر الحارة المصرية
صلاح سليمان
ليست هناك تعليقات:
إرسال تعليق