انا بعشقك تساوى كام
................................
مع كل نظرة من عنيكى
مع كل نسمه من هواكى
مع كل لمسه من إيديكى
معاها لمسه من خدودك
مع كل بسمة من شفايفك
وما غبتى لحظة عن خيالي
ونبضي عارفك قلبي شايفك
وبأعلى صوتى بقولها ليكى
أنا بعشقك
إن كنت رحت بعيد بعيد
وفاكرا إنى بعيد سعيد
غلفت قلبي غلاف حديد
وصدقيني يا عشق عمرى
مش رح نعانى فراق جديد
وبكل لهجة عشق صافية
ومعاها كلمة حب دافية
كل يوم عشقك يزيد
وبكل لحظة تعيشها روحى
وليا نبض يغذى قلبي
أبدا ما هسكت ورح أعيد
أنا بعشقك
هتقوليلي هس بس بطل كلام
كان زمان بسمعك ماعاد خلاص
مع كل يوم بنزيد علام
وشوف كلامك يساوى كام
صدقينى الحب حب
مش حساب بإيه وكام
والكلام حتى الكلام
محتاجله قلب يترجمه
مش موضوع فهم وعلام
وإن كان ف قلب ترجمى
أنا بعشقك بتساوى كام
ولا أنتى قلبك م الجراح
مبقاش تمام
حتى الكلام
سهل الكلام
مات غرام
انتى عارفه محتاجه إيه
رح هتعمليه
محتاجه قلبك يتغسل
وترجعى صفر البداية
ويبقي قلبك قلب واحدة م العوام
ونبتدى صفحات جديدة
صفحات سعيدة
مفيهاش فراق
ولا عاد جراح
ولا حتى حزن
وم البداية نقول سلام
وألقي عينى تشوف عيونك
وأبتدى نظم الكلام
وكل يوم أكتب عشانك
اكتب اميرة بصولجانك
وباعلى صوت انا بعشقك
وبنحكى قصة عن الغرام
وألف ليلة وراها ليلة فى الغرام
...........................................
تحياتى.... شهريار شهريار
ليست هناك تعليقات:
إرسال تعليق