( قررت ) : بقلمي الشاعر جمال زكي عينر

 ( قررت ) :

قررت و قراري نهائي

على حبِك أنا حفضل باقي

آه لو تعرفي عشقي وحبي

حتجيني وتطلبي اشواقي

قررت وعارِف مُقدارِك

وانا عندِك عارف مُقدارِي

وإن كنتي بتكويني بنارِك

طب خافي على نفسك من ناري

قررت وأنا وعمري ما برجع

في قراري لا بكدب ولا بخدع

كلمتي دايماً كده من راسي

وإن هُنت علي العشرة بودع

كان لازم يبقى لي قرار

وعاموده يكون الاستقرار

يا نعيش في الدنيا عيشة هنية

يا نعيش أغراب جوه الدار

واخترتك أنا تبقي حبيبتي

حافظة لعهدي وصاينة لغيبتي

وأكون لك أنا كل حبايبك

في صبايا وشبابي وشيبتي

قررت وقراري نهائي

على حبِك انا حفضل باقي

بقلمي الشاعر جمال زكي عينر

عرض الرؤى

معدل وصول المنشور: ٢٣

٣رشدي العطار وشخصان آخران

٣ تعليقات

أعجبني

تعليق