أغنية شعبية (( دامت لميييين ))

 أغنية شعبية

(( دامت لميييين ))

هي دامت لمين

لما تدوم لينا

أيام وبنعيشها

وخطاوينا مكتوبة

ساعات تفرحنا

وساعات تبكينا

وساعات بنشوفها

معكوسة ومقلوبة

.................... دامت لميييين

نصرخ بعلو الصوت

الرحمة يا أيامنا

بنعيش إحساس الموت

وضاعت مننا أحلامنا

..................... دامت لميييين

أيام تاخدنا شمال

وأيام تجيبنا يمين

ما بترسي يوم على حال

والإسم إننا عايشين

................... دامت لمييييين

لا فرح فيها بيدوم

ولا بيفضل شيء على حاله

يوم فرح ويوم هموم

وبنصبر ونقول وماله

.................... دامت لميييين

أيام رايحة وأيام جاية

رزع وهبد شمال ويمين

ليها في اليوم كام ألف ضحية

وأحنا خلاص محناش قادرين

....................... دامت لميييين

دامت لمين

بقلمي الشاعر/ وحيد محروس

عرض الرؤى

معدل وصول المنشور: ٥١

١١

تعليقان

أعجبني

تعليق

إرسال