مجلة نداء الرؤح لفرسان الكلمات: .....شاعر بلا جواد.......

الخميس، 16 يونيو 2022

.....شاعر بلا جواد.......

.....شاعر بلا جواد.......

انا في الشعر مش فارس وجاي بحصان 
ولا قولت انا تريكه وبجيب أجوان
ولا مبدع ولا نيله
ولا حتى هقول فنان 
انا واحد ملوش في الجد
وحتى حياتي عجباني وبعيش عالاد 
وعايش يومي على يومي 
ولا حتى حطيتلي حد
انا في الشعر مش قوال 
ولا بملك لجام موال 
واديني بقول على دا الحال 
مانا في الأصل مش كيال 
ولا في ميزان الكلام شيال 
انا في الشعر مش خيال 
ماهو الشعر زي الخيل وليه أبطال
انا عادي وبكتب بس في سهادي
لا انا فارس ولا بحكم على جوادي
ولا مجدت في بلادي 
ولا عظمت أجدادي 
في أيدي شويه شكل حروف 
وبكتب بيها بالمعروف
والف واطوف 
وزي ما اشوف
بقول النيه ع المكشوف
وزي ما تيجي بكتبها 
....محمد إبراهيم درويش........