قالوا كبرت ياشاعر

 قالوا كبرت ياشاعر

والله وشعرك شاب

ولسه بتقلب فى صفحة الكتاب

وبتدور على فصل وباب الأحباب

لسه بتدور على شيء اصبح شبه

مستحيل واختفى وغااااب

وهرب من القلوب من غير أسباب

لسه بتقول مافيش مستحيل طول

ماالقلب لسه بينبض ويقدر يحب

لسه بتقول قصائد الحب والعتاب

وهجر الأحبة وبتوصف مرارة العذاب

لسه في عينيك نظرة للمحة حنان

لقلب داب في العشق والهيام

وتعب من كثرة قسوة الأحباب

واتحمل وعمره ماكان كداب

لسه بتقول ياشاعر وبتوصف

مشاعر الحب وبتحكي عن الفتي دياب

وقصة محبته في اول صفحه في الكتااااب وبتوصف اد إيه

كانت قسوة الغياااااب

ولسه بتحلم بالحب يعم ويخبط

على كل باااااب

لسه بتقول الحب ليه رجلين واهداب

يصول ويجول ويلف كل البلاد

يجمع كل الأغرااااب

لسه عندك أمل تشوف

قلوب المحبيين من غير ضباااااب

قالوا كبرت ياشاعر

ولبست نظارة كمااان

ولسه بتبص علي الدنيا

وبتستغرب ليه ضاع فيها

الحنان والحب بدون اسباب

وهرب من البيوت وخرج من الأبواب

لسه ياشاعر عندك أمل يعود الحب

من تاني ويبقي في الحقيقه

موش بس في الأغاني

ويزور تاني القلوب

ونشوف فرحة كل محبوب

بعد كل الغياااااب

داخله وبتخبط على كل بااااب

بقلم/عاطف محمود «مصر»

عرض الرؤى

معدل وصول المنشور: ٣٢

١١