اعرف ان الحب ده نعمه
بشكر ربى واقول يحفظها
اصله كمان نعمه من ربى
ربى يديمها علينا ونصونها
كلمه غاليه عليه حروفها
حفضل اقولها كمان واحفظها
واتمنيت الكل يعيشها
عشان اسمعها وارددها
واسمعها فى اليوم 100 مره
عمرى ابدا ماازهق منها
اصل حروفها كمان تتغنى
ونقوم نرقص على انغامها
ياللى دوقتوا الحب قولولى
شكله ايه ماتوصفهولى
طعمه مافيش زيه فى الدنيا
مهما اقول واوصف تعالولى
شوفوا بعنيكم وابقوا قولولى
الحب ده هو نسمه جميله
لومرت فى يوم على صحرا
اكيد هاتخليها جنينه
مزروعه ورد وفل وريحان
طارح وريحته كتير حوالينا
حب الام اكيد لأولادها
باين دايما جوه عنيها
من غير ماتقول ولاتحكى
وكل كلامها وجمال معانيها
زى الشمس الدافيه ماتيجى
تدفى الكون كله حواليها
زى زهور ربيعنا تفتح
وتشوف الوانها وعطر ماليها
#راوية حسن#
ليست هناك تعليقات:
إرسال تعليق