قالولوا تعالى هتشهد زور
قضية بسيطة واجبه الحضور
هفتح لك صندوق النزور
دي عاركة بسيطة مابين السطور
بيني وبين جاري حتة أرض بور
أقوله اشتريها يلف ويدور
يحاور في الكلام هبنيها قبور
وهبني حواليها بوابة وسور
لا يمكن ابيعها لراجل مغرور
من كتر ماله دايما مبهور
يشتري الشجر وفوقه الطيور
وراكب كرته وبها فخور
أقوله كفاية شاركني الفطور
يقولي بلاها فطورك يغور
انا رغم فقري لكني مستور
لا يمكن ابيع ارضي لو هتهاديني وابور
يا واكل عالفلاحين عرقهم والأجور
وكل يوم عباية وفايحه العطور
رفعت عليه قضية
قالي انا منك مشكور
كفاية اللي عندك في كل الكفور
رموه في الزنزانه وكلامه مبتور
شوفلي اتنين من احبابك
وقت الحضور
المحامي هيفهمك ازاي تشهد زور
هجيبلكم بدل صيفي
وكام جلبية كستور
قولت له الا شهادة الزور
طردني من أكل عيشي
قفل الميه والنور
قلت راح أقول الحق
وادعي ربي اروح مجبور
ربنا يكفينا شر صندوق النزور
(((أسامه جديانه)))
ليست هناك تعليقات:
إرسال تعليق