الجمعة، 10 يونيو 2022

( ذرفت عيوني الدمع ) :

 ( ذرفت عيوني الدمع ) :

ذرفت عيوني الدمع
والكون جداره الصمت
وحدي وراح الجمع
والجمعة زي السبت
راحوا الحبايب يا قلبي
وراحت ايامهم
كت إمتى يعني الدنيا ؟
ع الواحدة او بالظبط
يا قلبي عيش الحياه
معدولة او مايلة
واللي نِسيك إنساه
بلاش بقى خايله
دادي امورك وداري
حالك وأحوالك
وهدي نفسك ما دام
مفيش إيدين طايلة
يا قلبي ليه الجفا ؟
والقسوة ع اللايمين
هوه احنا يعني لقينا
غيرهم في ناس تانيين
إضحك يا قلبي ف وشوشهم
مثِّل على نَفسَك
وإن سالوا جَمِّل في حالك
واحلف بالف يمين
يا قلبي ليه الأنين ؟
والحزن ع الفايت
ليلاتي دمعك تمللي
ع الخد ليه بايت ؟
بإيه يفيد البُكى ؟
يا قلبي يا مسكين
وليه تعيش الضنا ؟
والكون سعيد زايط
إلهي ياللي سامعني
من فوق سبع سموات
يا عالم باللي إنسَعد
واللي حزين سنوات
إرحم دموعي يا ربي
واكشِف بقى الغُمَّة
وارزقني لحظة هنا
نفسي في فرحة ابات
وارزقني لحظة هنا
نفسى فى فرحة ابات
بقلمي الشاعر جمال زكي عينر
قد تكون صورة ‏شخص واحد‏
Esteer Hanna، فهدالصحراء الجرئ وشخصان آخران
أعجبني
تعليق
في

ليست هناك تعليقات:

إرسال تعليق

الاشتراك في: تعليقات الرسالة (Atom)

كيف أنّجو من غوصّي فيكِ

  كيف أنّجو من غوصّي فيكِ وصوتكِ يجعلني فيهِ غريق كيف أنقذ نفسي من جحيمكِ وهمسكِ يشعلّ في صدري الحريق كيف أجد السبيل الى خلاصي منكِ وكلما اه...

  • (حكم فاسد)
      (حكم فاسد) أحزاب وكتل دمرو لعراقي وشتترجه بعد من حاكم وفاسد وكلها التحچي بهل يوم وطالب وتحچي اباسم الله وصاير العابد وشباب انباع بالدولا...
  • دغدغه دغدغه
      دغدغه كل حاجه ملغبطه زاي رسمه بشخباطه والملامح مكشره والقلوب بين الضلوع دايبه هاشه مدغدغه ماتت الضحكه حتي وقت الزغزغه والفرحه جايه مجرحه و...
  • كيف أنّجو من غوصّي فيكِ
      كيف أنّجو من غوصّي فيكِ وصوتكِ يجعلني فيهِ غريق كيف أنقذ نفسي من جحيمكِ وهمسكِ يشعلّ في صدري الحريق كيف أجد السبيل الى خلاصي منكِ وكلما اه...