خالدحداد / من غير غضب
.. ..
من غير زعل من غير غضب
انا شاعر على قدى
باخد مع نفسي وادي
عايش العمر
يوم حلو ويوم مر
وكله بيعدي
ويوم كسبان
ويوم بتغلب
من غير زعل من غير غضب
انا مش رسام ولابلياتشو
كلامي من جوايا عمري ماغشه
انا مش بتجمل برتوش
والكدب ماعرفوش
واللي ما حبهوش
باقوله فى وشه
ولا عتاب ولا تعب
من غير زعل من غير غضب
كلامي للجميع
باشتري مش بابيع
ماحدش مني يزعل
انا قلبي مش هايقبل
لو حد كان كارهني
بنسحب مش باكمل
بس اللي كارهني
يقول إيه السبب
من غير زعل من غير غضب
معلش اخر حاجة
كلامي من قلبي
مش شايله في ثلاجة
كلامي من قلبي
مش شايله في علب
انا مش ملك حد
انا مش تحت الطلب
من غير زعل من غير غضب
من غير غضب
خالدحداد
ليست هناك تعليقات:
إرسال تعليق