( أيامك يا زير ) م / عبالحميد سالم
راحت فين أيام الشرب منك يا زير
لا تقوللى مية فلاتر ولا أيها كولدير
من طين فخار لكن قلبك كان ابيض
مش بلاستيك سبب لنا أمراض كتير
****
كانت المية فيك م الطرمبة أو ترعة
مش معدنية ولا بسبع مراحل متنقية
كنت بتروى العطاشى يابو مية سلسبيل
نشرب منك بالهنا والشفا مهو الرك ع النية
وجدودنا كانوا يحطوك تحت الشجر سبيل
****
فينك يا زير بغطاك الخشب والقلة والأبريق
أبام البساطة وف الحر شربة منك تبل الريق
لاسمعنا عن حد زمان جاتله جلطة ولا سرطان
كانت القناعة كنز والصاحب بتلقاه وقت الضيق
النهاردة الزير للكسر ورا اللى كنت فاكره صديق
ليست هناك تعليقات:
إرسال تعليق