غرام أفلام (457) ................

 غرام أفلام (457)

................

أعذرني خلاص

إنسى ما بينا

ووداع يا غرام

مش هدفن نفسي

وأعيش خايبه

وأغزل أوهام

من سني ولادهم بقوا

طولي كفياك أحلام

والخطوة معاك عمر بحاله واليوم كام عام

كان ذنبي إن أنا حبيت

وهمك وغرام أفلام

كدبت عيوني وصدقتك

بان كله كلام

مغصوبه لليل كله دراما

وجواز وسلام

مع ضل يا دوب ألحق فرحه وأحسب أيام

أكبر من أبويا جبر خاطري وبقيت له مدام

كحلتي عيوني وهتبسم

ولا أعيش أحلام ..

وهداري دموع ذكرى وفاتت ولا ليها مكان

وهشوف ألوان دنيا الواقع وأطرد أوهام

وهدوق فى حلاه ويا مرارة فرح وأحزان

وأتهجأ حروفي من الأول لساني علام

بقلم .. صبري رسلان

عرض الرؤى

معدل وصول المنشور: ٢٤

٣Mansour Benmansour وشخصان آخران

٣ تعليقات

أعجبني

تعليق

إرسال