« كان أجمل أحلامي »

 « كان أجمل أحلامي »

حلم لكنه فى نظر الكثير يعتبر خيالي

والحلم دا ماكنش علشاني

ولا علشان حاجه نقصاني

ومنها بعااااااني

وكان مؤرقني وشاغلني

وبشوفه دائماً في منامي

وشاغل حيز كبير من اهتمامي

كان حلمي حاجتين اوقسمين

الأول... اطعم فم كل فقير مسكين

والثاني... ابني له بيت جميل

مليان بالورود والرياحين

ومحاط بشجر الفل والياسمين

لكن ياخسارة لقيت الحلم صعب عليا

وشبه مستحيل ومحتاج لفلوس كتير

وانا راجل على اد حالي ومستور

لأ انا عايش في ڤيلا ولاقصور

ولأ املك من الفلوس قناطير

بس دا كان كل حلمي اللي نفسي

أسعد بيه كل المحيطين

من اخواني الفقراء المساكين

وكان نفسي وكل أملي اشوف

الفرحة في العيووووون

والبهجة والسرور بشعاع من نور

في قلب كل محروم فقير مسكين

وارجوكم اوعوا تقولوا دا مجنون

وكلامه موش مدرجه وغيرمسؤول

والله دا امل وحلم حقيقي محفور

داخل قلبي والوجدان من زمان

قولوا زي ماتقولوا الله مطلع

علي نيتي وشاهد عليا كمان

واللي يقدر يحققه غير يبقي

بجد إنساااااان

وجبر الخواطر وحماها من الحرمان

بقلم /عاطف محمود «مصر»

عرض الرؤى

معدل وصول المنشور: ١٧

١١

٣ تعليقات

أعجبني

تعليق

إرسال