اكتب ع الورد وألوانه
وجماله وهو فى بستانه
الوردة تميل على الوردة
مداريه من الضى وخجلانه
ياسلام على اجمل منظر
عطرها ياسلام ده بيسحر
انا اصلى بحب الورد
انا نفسى ابيع الورد
طب قولى تبيعه لمين
ع الورد البلدى الله
ولاريحة الياسمين
وجماله وجمال عوده
ومنور كده بخدوده
انا قلت اخده وارويه
وكمان الغالى أهديه
واقفه بايدى واديه
ياحبيب الورد تعالو
الورد اهه شايف حالو
وتشوفه هاتفرح بيه
انا وردى الله ياحلاوته
ياسلام لما تشوف صورته
تاخده على طول وتشمه
وتقول الله عليه
انا اصلى بحب الورد
واخاف عليه م البرد
اخده بايدى واداريه
لو تعرف لغة الورد
دى جميله ومالهاش حد
قالوا احمر على عوده
وجميله والله حدوده
ابيض ده قلبى تمام
وريحان الله ياسلام
اصفر من غيرتى عليه
الورد أصله مافيش منه
فى الدنيا ديه اتنين
غالى والله اكمنه
بيجمع بين حبيبين
ياسلام على ريحة الورد
وكمان جمال الورد
الله الله عليه
راوية حسن
ليست هناك تعليقات:
إرسال تعليق