{اشجابك عالعشق}

 {اشجابك عالعشق}

ياام اربع عشر

وك عمري انه اكبير

شجابك عالعشق

قمتي انتي التعرفيه

وتحكيلي بصراحة

وانتي عالنت

الشوق شلون هزك

ا وشفتي اشبيه

ولك هم وسهر

والشوق قتال

انصحك هالنصيحه

عوفي اتركيه

ابهتمامك ادري عندك

وذاك الاعجاب

وادري النت يعلمك

كلشي البيه

انه المجبور اطاوع

من احاكيك

يحلو الكبر غطني

وهذا تاليه

شاهي الشفتي بيه

وهزك الشوق

وتدريني بصراحه

هذا ردتيه

بعد شلون اعوفك

وروحي خضراء

احطك بين

قلبي يالهويتيه

ومادامك لي

تهو يني كل يوم

والله الاخذك

يالكنتي تهويه

ومدامك هاويه

وجيتي التعشقين

هذا اول عشق

وانتي التجربيه

ابقى اوياك

واخلصلك واوافيك

واعلمك كيف

تخلص لي اوتسويه

بجسد واحد نصير

واحنى روحين

وهذا الشوق يضرب

من هو يرضيه

وندري الوقع بالحب

أصبح ايهيم

ومثل ليلى أعلى

قيس الكنتي هاويه

حوت بس الجنون

وهامت الليل

ولاليل الزمها

اشلون تخفيه

وكلمن جرب الحب

وعاش وياه

يتذكر وليفه

وماهو ينسيه

ويضل قلبه امعلق

وين ميروح

.وحتى أعلى البعد

يبقى اليباريه

اشوفك شابه

وهواي اليرغبوك

وشباب اهوايه

أقبلي وروحي داريه

اشوفك ماقنعتي

عجبه اوليش

اتقولي ماهو مثلك

اشلون اساويه

الفرق مايحترم

لوعشت وياه

واحس ماهو اليعيش

واقبل البيه

وابو كذله اوشوارع

امدقدق ايكون

واحس الوشم بيده

شلون اداريه

ومصرف ماكو عنده

انتكل عالغير

وبعد شلون

وياك الاساويه

فرق بعد السماء

من فوق عالقاع

ويكبسل تشوفه

ومن يخاويه

ومشاكل عنده

وهم يشرب احبوب

وبين الناس تكثر

كل دعاويه

شباب اليوم وسفه

اتخنثت ليش

ومثل الطنطه احسه

من تماشيه

أود رجال مثلك

يحفظ ايصون

واحس بيك انته اب

وام وأخ الاخاويه

وكلشي عندي الك

شتريد موجود

ومن الدنيا اليه

احبيبي ارضيه

وغيرك مالي احد

اعيش وياه

وعلى هذا الأساس

انه أقبلت بيه

شعر عارف شلش الساعدي

العراق بغداد

٤٤

تعليقان

٣ مشاركات

أعجبني

تعليق

مشاركة