@ عاشق مجنون @

 @ عاشق مجنون @

فقيه ف العشق يتجلي كانت ساعة فجرية

عاشق مجنون قاعد علي الزراعية

النهار طالع يصبح ع الكرة الأرضية

شاف بعينيه الحبيبة جاية

الجلالة هفت عليه صال وجال يمدح فيها وف عيونها البهية

قسم ودندن ما تركش شيء فيها إلا وأتكلم عليه من أول الصبحية

الشمس غطت الأرض والناس علي مصالحها رايحة جاية

وتقول أيه وهوه مش داري والجلالة وخداه ف حته تانيه

ف مدحها قال كلام كثير وقالوا ع العشق ده غية

نظرت إليه وندهت حبيبها قالت يلا أتاخرنا ياعينيه

القطر راح يفوتنا عشان نلحق نجيب لوازم فرحنا بأيدية

صاحب الجلالة فاق علي صدمة مدوية

عقله راح ودخل مستشفي الأمراض النفسية

وده جزاء اللي يحب وما يسألش مين دية

راضي السقا

عرض الرؤى

معدل وصول المنشور: ٢٦

١راضي السقا