..............انا غلطان ............

 ..............انا غلطان ............

وكل ما اقول معنتش تاني هسهرلك

يطير النوم وعقلي يسبني ويروحلك

ما انا غلطات وسايب روحي على ايدك

ياسيدي خلاص منا سايبك على مهلك

.....

لكني خلاص هعلم روحي تقسى عليك

واجيلك يوم وهاخد قلبي اللي ملك اديك

وهرجع اشيلو في ضلوعي

وابطل اعيش في سحر عنيك

.....

حبيبي خلاص هبطل اعيش لحد الفجر

منا مليت في كل يومين سهاد مع هجر

واقوم الصبح كدا فايق على راحتي

معدش خلاص معايا كتير خزين الصبر

......

حبيبي ياريت تحط حكايه في حسابك

انا ممكن مكنش معاك ولا واقف على بابك

لاني خلاص زهقت الدق والطخبيط

لا سبت القلب يوم يرجعلى ولا سابك

......

ما انا اصلي اللي كنت عبيط

دخلت حكايه مش ليا بدون تظبيط

وراجع بشكي مر الحال

كاني تمام بنتلي مدينه بدون تخطيط

.....

واهي ماشيه على ادا الحال

لا حيلتي نفوذ ولا عندي كتير م المال

خلاص بكره الزمن هيدور

وهتشوفني تقول ضيعتو بالاهمال

٠٠٠٠٠

ساعتها هكون خرجت خلاص انا م الدور

ياريت متقولش بس يوميها انا مغرور

هشان لما هشوف دمعك وانا واقف

هسيبك وامشي واكون مسرور

٠٠٠٠٠٠٠٠٠٠٠محمد إبراهيم درويش ٠٠٠٠٠٠٠٠٠٠٠

عرض الرؤى

معدل وصول المنشور: ١٩

١Mansour Benmansour

تعليقان

أعجبني

تعليق

إرسال