( الخير والشر ) م /عبالحميد سالم
زى م عندنا نماذج شر
لسة برضه الخير موجود
وناس بكل ما تملك بتجود
لو فيه سرقة قتل ودبح
وكلاب مش عايزة تبطل نبح
مصرنا فيها أمان وسلام
مذكور ف آيات رب الكون
وبرغم الفقر عندنا صبر
وعطاءنا ملهش حدود
لما رقية احتاجت حقنة بالملايين
الكل اتبرع ف غمضة عين
مهو فعل الخير جيناته فينا
متأصل من اصل جدود
بس يا ألف خسارة علينا
مواقع تواصلنا بتشوه فينا
هرى وهبد ف الاعلام
وتمللى نضخم حوادثنا
لكن إنجازنا سيبك منه
وركز ع الكورة والافلام
الحادثة اللى تتم ف لحظة
مش هيكفيها لوكلوك أيام
ليست هناك تعليقات:
إرسال تعليق