شعر غنائى .. ((( ياريتنى )))

 شعر غنائى ..

((( ياريتنى )))

ياريتنى كنت أعرفك من سنين .. قبل م يغدر بيا الزمن و يفارقونى الأهل و الخلان ..

كان حالى أصبح غير كده .. بعد الوحده و الحرمان حضن دافى و بحر وافى و شط آمان ..

أنا قبل م يحصل بينا ود و محبه .. كانت حياتى نار و عذاب ..

و الدنيا كمان حطانى على راسها و شيلانى .. م عندهاش غير الآحزان ..

ياريتنى كنت أعرفك

يمكن لو كان لينا نصيب كنت حبيتك أكتر من كده .. و آهى الأيام جايه كتير م تستعجليش يا حبيبتى ..

لما يجى الوقت المناسب .. هأصارحك مش هأخبى عنك حقيقتى ..

قد إيه أنا محتاج شريكة لحياتى العمر كله .. تشاركنى المر قبل الحلو و الليل و عذابه و آخره ..

و أصبح و أمسى ع الوردتين .. و أقولك سلامات يا حبيبتى ..

ياريتنى كنت أعرفك

و نعيش ليالى الأنس على ضى القمر .. و نفصى الليل أحضان و بوس ..

و بالنهار ضحك و هزار .. و ع البساط نمشى و ندوس ..

و السعاده واخدانا على جناحها و طايره لفوق .. ونا و إنتى و هوانا نرقص و نغنى على نغم الشوق ..

و نقول أحلى كلام .. كلام جى ف و وقته طازه و محسوس ..

ياريتنى كنت أعرفك

بقلم الشاعر الغنائى ..

محمد البريمى ..

عرض الرؤى

معدل وصول المنشور: ١٢

١Mansour Benmansour

تعليق واحد

أعجبني

تعليق