ادعيلي ياما
،،،،،،،،،،،،،،،،،،،،،،
إدعيلــي يامــا أهتـــدى وأتـــوب
عاصــى أنــا يامـــا وكـلـي ذنـوب
يمكــن دعــــاك يغيـــر المكتــوب
ربــك كريــم قــادر علينـا يتوب
نسيــانى ليـــه وأنــا المحبـــوب
،،،،،،،،،،،،،،،،،،،
عارفك عرفك يا سـت الكل نســايه
إمسحي دموعـك بلاش كـدا كفايه
إنتــي اللـى حاسـه بالجـرح جوايه
نفسي عمرك يطول وتفرحي معايه
إنت الحبيبه وإنت سترى وغطايه
،،،،،،،،،،،،،،،،
ادعيــلي اعبـــر دنيتـى بأمان
راضى أنـا بحـالى ومـش ندمان
خايف أقول آه يشمتوا الجيران
نفسى أرجع تانى طفل زى زمان
لما اشوفك تضحكي أبات فرحان
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
شايفـك أنـا والدمـع علـى خـدك
بتداري ليه خائفه أشوف دمعك
دمعـة فــرح ولا دمـوع حـزنك؟
رغـم الاسى باقيه على وعـدك
عارفك قـويه ولا حـزن بيهزك
عايش أنا ف خيرك يا ويلي من بعدك
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بقلمى
مهندس/ حسن سعد السيد
ليست هناك تعليقات:
إرسال تعليق