*** رغم الألم ***
للشاعر /صابر الشناوي
رغم. الألم
مازلت بكتب عن هواكي
اللي سكن جوا الضلوع
رغم. التعب
باصص بعيني المنهكه
من كتر السهر
كاتب بإيدي المهلكه
من فعل الزمن وحكم القدر
باعت من قلبي اللى تعب
من كتر المآسي والسفر
لعيون حبيبتي الناعسه
وسط أغصان الشجر
وأحلم. بلحظه تضمنا
لو حتى كان. تحت المطر
قلبي.... إنفطر
أصل الحقيقه المؤلمه
حبي إنكسر جوا الضلوع
في قلب رافض يوم رجوع
من الطريق اللي إترسم
فيه. الألم لحظه. ندم
من قلب حس إن حياته
إبتدت. من نور عنيكي
وانت بس اللي بإديكي
تفتحي باب الأمل
حلم. وأمل
أوصل في يوم لحض قلبك
والفكر. يسرح في الهوا
والنبض. يسأل على الدوا
إحساس غريب إن خلاص
كل اللي فاضل من دنيتي
أكتب لقلبك. كلمتين
أوصف بهم حبي
اللي أصبح في العدم
أبعت لعينك. نظريتين
وأقولهم كان ذنبى. إيه
لما في هواك قلبي إنظلم
أو أحلم. إنه. عاش يومين
حاضن إديكي في. الخيال
أو حتى. شايفك. من قريب
منا قلبي طيب؛؛
أو غبي
لازم يقر ويعترف؛
إني مش ملاك أو نبي
علشان. تآمني بمعجزه
أو. تفهمي رغم الألم
مازلت بكتب عن. هواكي
اللي سكن جوا الضلوع
رغم التعب باصص بعيني
المنهكه من كتر السهر
لايم. على كل الظروف
اللي. رمتني في سكتك
أو زقتك ناحيه. حدودي
لا يم. ورودي اللي سقيتها
في. يوم. هواكي
لايم. لقاكي
اللي كان. في الخيال
يفتح بيباني الموصده
لايم الرضا على
صبر قلبي اللى ارتضي
يقبل يشوفك. من بعيد
ويكون. سعيد إنك قبلتي
أبقى. واحد من العبيد
في مملكه
الملكه فيها منهكه
من كتر تنطيط القرود
على. حروف الأولىه
م الأدعيه
على لسان الأغبيه
عاشت لنا ملكه
قلوبنا الخاويه
الشاعره المبهره المذهله
والملكه تايهه في الحروف
مش بس واحد دول ألوف
لايم على قلبي الوفي
أو حتى إحساسي الغبي
لايم على عقلي
إزاي وأنا قلبي ملك
ملكي. أنا
يقبل يكون
واحد في الصفوف
ضمن العبيد
باصص بعينه المنهكه
من كتر السهر
لكن خلاص آن الأوان
للعين تنام
رغم اللي بيها من ألم
ليست هناك تعليقات:
إرسال تعليق