ياقلبي نبتدي منين الكلام من إبداعات الشاعر طه الروبى

 ياقلبي نبتدي منين الكلام

والحكاية مطوله

ومن البداية مكنش فيها

روح إنسجام

فعل القدر خلاها تطول

ويمد بين الشطوط الجسور

ويعدي عام بعد عام

سنين بتجري

والكلام عمال يزيد

والأماني على طول فى المزيد

والحلم مرة يتضح

ومرة يحصل ليه إحتشام

نبتدي منين الكلام

من قت كنا متعشمين

تظهر إمورنا على الشمال

وعلى اليمين

والحلم واحد مكنش فيه إنقسام

نبتدي منين الكلام

من وقت كان القلب صافي

والضمير سليم معافي

والخاطر جوا منو

امان وسلام

ويفوت الوقت يمشي

والحال مفهوش ثبات

لا بنوم عارف نشبع

ولا صمت أو سوكات

والهوى أصبح فى حيرة

وبيستنى المعاد

إللي عليه إتفقنا

قبل ما يبقى ذكرايات

وصابت القلب السهام

نبتدي منين الكلام

من إبداعات

الشاعر

طه الروبى

١الشاعر طه الروبى

١٢ مشاركة

أعجبني

تعليق