اليشمك شاعر الحارة المصرية صلاح سليمان

 اليشمك

أغار من اليشمك

لما يداري رسمك

العشق من طبعي

والحسن من طبعك

هوايا جار مني

والعشق جار مني

شباك عينيك حاجب

عني هوا قلبك

بستان زهور خدك

فايح ويشملني

والقلب غاب عندك

والصبر مررني

ماتجود ولو طله

تجلبلي المسره

تداوي من عله

بترياق حروف اسمك

ستار عينيك رمشك

بسكون يداعبني

طمني لو أوشك

بالشوق يقربني

امشي بهوايا أميال

لو جاني رد سؤال

هو العاشق لو مال

في الصدق أدني شك

صمت الشفاه بركان

يهلكني بالحرمان بيني

وبين النسيان

فدادين روبا بتعك

النيه طيب الحسن

وبكاره أفكاري

غمازه طبع الحسن

تلهمني اشعاري

تراود أحلامي وتروي

اقلامي

لما الحروف بتجف

بيعود وداد وصفك

أغار من اليشمك.

لما يداري رسمك

العشق من طبعي

والحسن من طبعك

سلسال غرام كتف

عنوة جدار قلبي

علي اليمين احلف

العشق مش ذنبي

كله قدر ونصيب

واللي بنصيبنا يصيب

زمن الرحايا عجيب

طاحن القلوب وشمك

وهاتها جمايل يارب

شاعر الحارة المصرية

صلاح سليمان

عرض الرؤى

معدل وصول المنشور: ٦

١١

تعليق واحد

أعجبني

تعليق