ياريت تقولي انت مين
يالابسة توبك الحزين
نداهة ولا من الحور العين
انا المقصود بالعشق ولا
صوت الفجر بيشقشق للمغرمين
صوت مش غريب سمعته من سنين
قربت منك خطوتين
شفتك تشبهي نبض الأنين
احتارت أنادي وأقول يامين
واقفة على باب المندره
نظراتك ليا معبره
عن خوف يلاحق خطوتك
ولسان بيهمس بالحنين
وعيونك زايغه حائرة
صارحيني ليه متأثرة
قوليلي مين يشبهك
في طلتك ولون العنين
يكون شبح راكب جواد
ومعاه بشارة لقلبي الحزين
ولا انت صورة في أول طريق
أبحرت في صورتك
كأني في بحر غريق
يمكن تكون انت الأمل
راح تلبسي توب الأمان
اللي يطمن قلبي
من غدر الزمان
ولا ملاك بجناحات طاير
يهدينا حلو الذكريات
احترت فيك انت مين
مهما تكوني بشر ولا حورية
ولا شبح ولا ملاك
قلبي خلاص اطمن لك
من لحظة سكات
حتى اللي فات
من خوف ورعب
مش ممكن راح أصدقة
انت علامة وبشرى
فرح وسعادة وتهاني
وشك بشوش وصوتك
فيها نغمه ورنين
ماتقوليش انت مين
انت نسيم الرياحين
بستان امل
واخدني لشط المغرمين
(((أسامه جديانه)))
ليست هناك تعليقات:
إرسال تعليق