من بين كل الكواكب
هل هلالك ياقمر
لا بتلوم ولا بتعاتب
اللي بيهوى السهر
كل عاشق لك يراقب
طلتك وقت الغروب
المتيم واللي هايم
واللي تايه في الدروب
اللي مشتاق للي غايب
واللي قلبه دايب دوب
***
وأنت فاتح قلبك ليهم
لكل أهل الغرام
مهما كانت حكاويهم
نظرتك تشفي الآلام
بتنور سما قلوبهم
بالحنين تمحي الظلام
بالحب تضمد جراحهم
تزرع في الوجدان سلام
بتجمع كل الأحبه
في بساتين الهيام
( أسامه جديانه)
ليست هناك تعليقات:
إرسال تعليق