قررت ............ البعاد **** بقلم عادل جاد

 قررت..... البعاد

*******

علشان ماليش غيرك

تبيع وتشترى فيا

قلبى يحن عليك

تملى تأسى عليا

خلاص مليت دنياك

من عذابى بهواك

أنا كنت فكرك ملاك

أتاريك هلالك هلالك

خلاص باأقولك كفاية

يالى ضعيت هنايا

مالكش حياه معايا

بأيداك رسمت النهاية

يالى ف الظلم جرئ

وعامل فيها برئ

كل واحد فى طريق

قلبى شبع حريق

مش هيفضل غريق

فى بحرك العميق

هيبعد عنك بعيد

لو الموج له يعيد

هيحاول من جديد

عمرك ماهتبقا له شريك

لو قولوا الجنة بأيديك

أو الهنا بنظرة عينيك

معدتش هصدق فيك

أى خير من نواحيك

آه قلبى شبع عذاب

شرب المر شراب

عن حبك خلاص تاب

مالوش مع الهنا ميعاد

خلاص قررت الجهاد

خلاص قررت البعاد

******

بقلم

عادل جاد

١١

٣ مشاركات

أعجبني

تعليق

مشاركة