حلوين يادنيا عبد المنعم عدلى

 حلوين يادنيا

عبدالمنعم عدلى..مصر

من صغرناوإحنا

حلوين يادنيا

شيلتينا همومك

وزودتى علينا

آلام العذاب

وبرده لسانا متحملينك

وبكره نكبر ونتحداك

مهما عملت فينا

وناسك دول

لساهم يأذوا فينا

مش نأخذ بالنا

ماإحنا صابرين عليهم

بكره يرحلوا

بعيد عنا

أو التراب يداويهم

عملت فينا الأصعب

أتاريك يادنيا ليك

وجوه كثيرة

وإحنا ذى ماإحنا

صابرين عليك

وعلى غلبك فينا

وهنتحداك وتحتارى فينا

حيلك ضعيفة يادنيا

والصبر أحلى مافينا

صابرين يادنيا صابرين

وبالحب راضين

وبكره منصورين

خلاص يادنيا خلاص

بردة إحنا الحلوين

بقلمى عبدالمنعم عدلى

عرض الرؤى

معدل وصول المنشور: ٢٩

٢فهدالصحراء الجرئ وشخص آخر

٦ تعليقات

أعجبني

تعليق