( حسابات الدنيا ) :
زي ما شُفنا هم وجرح
برضه مسيرنا نشوف الفرح
هي دي حسابات الدنيا
مره بجمع ومره بطرح
يوم الدنيا تحن علينا
ويوم الدمعة بتملى عينينا
كل ايام الدنيا هترحل
وهترحل وياها أمانينا
الأيام زي الأحلام
مرة ف جنه ومره كابوس
كده أو كده بتعدي اوام
وكإنها شكة دبوس
ايوه صحيح ايامنا دي صعبه
فيها العِيشه عسيره وصلبه
لكن برضه لازم نسايسها
الإيجابيه تداري السالبة
ايام هتعدي وهتفوت
السلطان زي الهلفوت
كده او كده راح تِفنى حياتنا
غني وفقير كلنا هنموت
كده أو كده راح تِفنى حياتنا
غني وفقير كلنا هنموت
بقلم الشاعر جمال زكي عينر
ليست هناك تعليقات:
إرسال تعليق